雲貴軒米線專門店

营业中

休息中

今日第一日政府部门都全面复工，条街即刻多左劲多人，间间食肆都排哂队，见依间少人啲就埋去攞飞，等左大约5分钟就有位。抗疫之下有得加6蚊换个小食，拣左胡椒猪肚，同腩肉米线，野食上得几快，但水准就唔系几一致啦，我地三碗腩肉米都叫小辣，但三碗辣度都唔一样，从啲汤嘅颜色已经睇到个分别，一碗系浅橙色，一碗深少少，另一碗系深红色，好多辣油系表面。当然都明白好难做到碗碗都一样，都系睇师傅重唔重手，不过都唔好差太远啦…食落最辣果碗应该接近中辣，都几麻，味道方面就正常发挥啦，冇话特别好食。个6蚊小食呢就淡淡地，冇乜味嘅，个底有啲卤水汁之类嘅汁，食唔出有胡椒味，最后都系成碟倒哂落去个米线到当麻辣猪肚食。