廚十三老壇酸菜魚 (太子集團中心) (已結業)

一向好喜欢食酸菜鱼嘅我，疫情前转向内地市场，选择北上试内地嘅店铺，一黎价钱更加亲民，二黎味道更加正宗。今年因为疫情关系唔能够离开香港，唯有系香港睇下边度有好野食啦。「厨十三老坛酸菜鱼」共有四间分店，今日就嚟到位于尖沙咀北京道嘅分店。老坛酸菜鱼:老坛酸菜鱼有三个size, 一行两人嘅我哋，拣咗最细嘅二人份量，另加午餐肉，宽粉，同埋青笋片。酸菜鱼上菜时散发出阵阵香气，锅内伴有好多胡椒粒，亦有好多鱼片。鱼片好新鲜亦都好滑，无骨，汤底入口都带点麻，食落都几开胃。我哋另外都试咗几款小食。麻辣猪耳仔：切至幼身既猪耳，入口非常爽，麻辣并重，食落好刺激，加埋芫茜同埋芝麻，口感同味道都非常丰富。麻辣鸡爪爪：麻辣鸡爪爪冇骨，食起时啖啖肉，配上泡椒麻辣嘅风味，非常惹味。酥炸无脸男：猪肉切条后炸到脆卜卜，肉质肥瘦适中，沾上七味粉食，辛香惹味，非常刺激。总括黎讲呢度既食物唔错，环境亦都好舒适，睇得出系一间好用心经营既餐厅 ，有机会我一定会再来光顾。