616牛肉火鍋專門店 (已結業)

新一波疫情又黎到，依家6点后禁堂食，但又好想打边炉，要乖乖留喺屋企食嗱！但自己出去买料又嘥时间又难预份量，上FB见到616做紧抗疫优惠，外卖自取四人火锅餐只需$568咋㖞，即系每人只需百零蚊就食到！最正系所有食材已经预先处理好，返到屋企只需开晒啲盒，同埋滚好佢个汤底就可以开始食嗱！仲有咁多牛肉款式可以试，份量唔少，好似几抵，一于买黎试试！理想点「鲜」汤底：即系牛骨加白萝卜汤底！唔好讲笑！个汤一滚我好快手已经饮咗一碗，好鲜甜！平常打边炉怕肥，我好少会食面，但因为个汤底太甜好好味，我竟然食咗两碗呢度就系四人餐份量，有7碟唔同款嘅牛肉、4只带子、菜、峰巢豆腐、芋丝、两个乌冬、两个公仔面，炸鱼皮。另外仲加钱加咗一碟牛朴肉及一碟牛舌，份量真系几丰富！食后感：份量够！味道好！新鲜！美中不足就唔系碟碟都有写名，食咗觉得好味嘅肉，到最后都唔知食紧边个部位！不过呢个价钱真系物超所值！但如果食量大嘅朋友，都建议自己额外再加多少少野食！