波仔

营业中

休息中

呢排冻到唔想出街，好多时都系喺屋企解决三餐，不过喺冻到唔想落街买外卖嘅时候，最方便最懒嘅解决方法就系食波仔嘅叮叮食物，我谂唔少人都有同感！不过冇食波仔一排，原来出咗咁多新款式，而家连叮叮点心都有埋，唔使食来食去都系某两个牌子！除咗急冻饭餐同点心之外，亦都唔少嘅气炸食品，就连烟三文鱼都有得卖，感觉好似一个迷你超市，真系够晒方便！日式煎饺同小笼包味道都唔错，外皮唔算太厚，而且小笼包入边好多肉汁，冬天食真系暖笠笠！屋企人就比较钟意呢个清汤牛腩，因为佢话平时炆牛腩实在好麻烦，花太多时间，而家几分钟就食得，而且味道都OK，有时夜晚唔想煮太多，叮呢个再加条菜就得。至于叮叮饭，我就比较钟意食呢个咖喱鸡饭，易入口又好味，有时Home Office太忙，食呢个都几方便。