Rice Paper (已結業)

同朋友有點事情傾，出來一邊食飯一邊傾。因要遷就我，就到銅鑼灣世貿既Rice Paper去了。由於時間尚早，無需等位。每人點兩款食物share食，我選了春卷和香煎鱸魚露筍；對方則點了雞絲沙律及牛柳粒紅米飯，之後再食甜品。春卷先到，一碟有六條，賣相精美。皮十分脆口，仍燙口的，肉多而且味鮮，挺不錯的；伴碟的生菜好新鮮，翠綠色的味道鮮美，朋友話比出面價錢貴一倍都食得過。雞絲沙律微辣，又一陣香草的味道，雖是清新，但就不合我口味。朋友都話其實質素是可以的，只是辣味並不合他的胃口。紅飯比我預期中要好。牛柳粒幾有肉味，都唔怕硬，細細粒的送飯不錯。同樣，伴碟的生菜也是值得一讚。鱸魚我最欣賞，肉嫩且味鮮，酸酸甜甜的醬汁好開胃。四大片的魚柳完全沒有偷工減料；露筍同樣新鮮，爽口又好味，下次一定encore。是晚的甜品有香蕉布甸做特價，朋友要了一份，評語是十分好味。我則要一客French Kiss，太酸了！另叫了兩杯青檸薄荷梳打，毫無薄荷味，但酸味十足。American Express白金卡二人食有五折，折實左三百幾蚊，還可以。