URBAN Cafe (彌敦道)

营业中

休息中

钟意猫但未有能力养猫，就经常去帮衬猫cafe，urban cafe有好多间分店，旺角弥敦道侨建大厦呢间系规模最细，大有大好，细都有细好，呢间细细地嘅分店有十几只可爱嘅猫咪，有只黑色唐猫最钟意坐人大髀，著暹罗猫就最钟意坐喺人哋嘅手袋。试过抱住只黑猫食晒成餐饭，真搞笑。食物方面同其他分店质素差唔多，款式方面好似有少少唔同，朋友试咗大虾意粉，十分唔错，我自己就钟意食burger，好厚嘅牛肉唔知系咪手打，系好食的，套餐配一个餐汤或沙律，咖啡一般都要加钱。呢间分店细细地，气氛温馨，如果唔想人多嘈杂，可以避开荔枝角丽新广场或兆万中心嘅分店，嚟呢间弥敦道分店都唔错。