影片
更多
2022-07-11
830 浏览
作为大西北人，港岛真系好少去。去开北角跳弹床，由于有少少赶时间，只好喺做运动前求其揾间餐厅医肚。一上openrice就见到呢间上榜，仲要有几年米芝莲认证，就决定试试佢。 要晒佢嘅招牌，肉骨茶有分新加坡同马来西亚，今次叫咗新加坡($85)即系招牌嘅。饮落胡椒味都几香，肉嘅份量算多，食落都嫩滑。碗饭几大碗，食完真系会饱晒。不过老实说胡椒肉骨茶食唔出佢嘅独特之处，味道同自己买肉骨茶包自己煮感觉上差唔多，可能药材味嘅会特别啲啩。古滑鸡饭($53)鸡系鸡扒，食落肉质鞋同埋鸡嘅雪藏味未去。滑系靠鸡皮嘅滑同埋佢本身嘅汁，佢嘅汁都比较普通，食落真系好家常，算唔上令人印象深刻嘅海南鸡饭，油饭都偏淡味。整体嚟讲有啲失望。 加钱要左三色奶茶，其实即系未搅匀嘅奶茶，影相打卡就记得意，但搅匀之后都系变返一杯正常嘅冻奶茶，茶底都ok但似港式奶茶。 另外要咗个椰汁仙草，声称系手工仙草，食落仙草味系浓啲嘅，冇咩特别。 食物水准似家常菜，价钱都唔算好平民，如果唔系见佢评价咁高抱大期望，可能都冇咁失望。另外，去到其实已经两点零，店舖都唔多客人，唔明点解两人唔可以坐张大枱，要坐张二人枱就有啲逼。
要晒佢嘅招牌，肉骨茶有分新加坡同马来西亚，今次叫咗新加坡($85)即系招牌嘅。饮落胡椒味都几香，肉嘅份量算多，食落都嫩滑。碗饭几大碗，食完真系会饱晒。不过老实说胡椒肉骨茶食唔出佢嘅独特之处，味道同自己买肉骨茶包自己煮感觉上差唔多，可能药材味嘅会特别啲啩。
古滑鸡饭($53)鸡系鸡扒，食落肉质鞋同埋鸡嘅雪藏味未去。滑系靠鸡皮嘅滑同埋佢本身嘅汁，佢嘅汁都比较普通，食落真系好家常，算唔上令人印象深刻嘅海南鸡饭，油饭都偏淡味。整体嚟讲有啲失望。
加钱要左三色奶茶，其实即系未搅匀嘅奶茶，影相打卡就记得意，但搅匀之后都系变返一杯正常嘅冻奶茶，茶底都ok但似港式奶茶。
另外要咗个椰汁仙草，声称系手工仙草，食落仙草味系浓啲嘅，冇咩特别。
食物水准似家常菜，价钱都唔算好平民，如果唔系见佢评价咁高抱大期望，可能都冇咁失望。
另外，去到其实已经两点零，店舖都唔多客人，唔明点解两人唔可以坐张大枱，要坐张二人枱就有啲逼。
张贴
