炎天丼 (已結業)

同同事去試食，我叫野菜‘當‘，佢叫海鮮‘當‘，另外叫多個海鮮盛。一上檯，食十次飯都唔影一次食物既我，唔得！即刻要影。天芙羅好大舊。我唔簡海鮮係因為野菜有至愛既菇同南瓜，最開心係舊南瓜半隻碗咁大舊，仲炸得夠冧好好味，菇爽又唔會太生，而海鮮既甲咩魷魚同蟹棒都唔錯。但超敗就係，天芙羅同飯一齊放，啲天芙羅好快就冧曬，相反單點既海鮮盛就食完飯先食都係脆卜卜，可能我地較重口味，覺得啲飯要落較多飯素同醬油先覺夠味，如果本黎飯有撈過味落去會啲，整體黎講都係好味值得再去既。仲夠大碗夠飽。