影片
更多
2017-05-26
1056 浏览
好耐无揾表哥一家食晏喇，因为表姪女星期天要学琴、上补习，都几难约齐佢一家，倾开偈知佢就快考试，就唔使再上堂，一于约出嚟聚一聚。今次拣嚟位于油麻地誉发广场5楼嘅Eat Me Bar & Restaurant ，皆因无意中发觉佢啲午餐好抵，而且，表哥一家未到过啲上楼酒吧餐厅（因为佢哋好少出街食饭），可以一齐嚟试吓。虽然睇地址话餐厅喺占5楼全层，但其实地方嚟算好大，不过，高楼底，加落地大玻璃，装修摩登，感觉唔错有活力。而且，可能抵食缘故，星期日嘅12:30pm上到嚟，近乎坐满。除咗主用餐区，餐厅尾屈个弯，原来仲有一排面窗吧位，对住街景，感觉更开扬。讲到明抵食，真喺好抵食架，午餐共有11款选择，定价都喺$49-$69，仲包埋是日餐汤、餐包、$22或以下饮品（其他饮品只需补差价），又可以另+$8加配是日沙律。晌附近揾间茶记，都差唔多啦，更边有咁好坐添。抵？仲未算，1:00pm前离座即可享全单8折优惠，依个就难啲，因为我哋12:30pm到。但2:00pm前离座加4人同行及同时消费午餐，即送西班牙辣汁配烟鸭胸薄饼（8吋）一个（只限堂食），所以，咪顺便揾埋表哥一家嚟食晏啰，而且，午餐仲唔收加一服务费添
虽然睇地址话餐厅喺占5楼全层，但其实地方嚟算好大，不过，高楼底，加落地大玻璃，装修摩登，感觉唔错有活力。而且，可能抵食缘故，星期日嘅12:30pm上到嚟，近乎坐满。
除咗主用餐区，餐厅尾屈个弯，原来仲有一排面窗吧位，对住街景，感觉更开扬。
讲到明抵食，真喺好抵食架，午餐共有11款选择，定价都喺$49-$69，仲包埋是日餐汤、餐包、$22或以下饮品（其他饮品只需补差价），又可以另+$8加配是日沙律。晌附近揾间茶记，都差唔多啦，更边有咁好坐添。
抵？仲未算，1:00pm前离座即可享全单8折优惠，依个就难啲，因为我哋12:30pm到。但2:00pm前离座加4人同行及同时消费午餐，即送西班牙辣汁配烟鸭胸薄饼（8吋）一个（只限堂食），所以，咪顺便揾埋表哥一家嚟食晏啰，而且，午餐仲唔收加一服务费添。
是日沙律 +$8既然乜都咁抵，都唔差在加$8要埋个是日沙律（田园沙律）试吓啦，沙律菜配车厘茄及栗米粒伴胡麻酱，虽然唔喺咩贵料嘢，但算简单清新，又堆得大大碗。
是日餐汤餐汤喺粟米火腿忌廉汤，忌廉汤做得不过不失，喺茶记质素，但胜在够热又多料，试过有啲餐厅真喺连餐汤都做得唔热架。
怀旧餐包「怀旧」两个字喺小弟夹硬加上去，依一款带微甜嘅餐包真喺晌老饼啲嘅茶记或旧派啲嘅港式西餐厅仲会见到，港式餐包，简单两个字：松软。
珍珠带子南瓜汁烩饭 $49表姪女好奇烩饭喺点，所以，拣咗个南瓜汁烩饭一试。个饭卖相唔错，饭粒沾满南瓜汁呈现一片橙黄，变得份外抢眼，而且，饭内混有唔少带子粒。不过，佢可能第一次食，亦唔惯湿湿哋嘅饭，其实个饭底做得唔错，湿润带少少咬口，又充满南瓜香，啲带子虽然细粒，都爽口㖞。
帆立贝海鲜彩椒炒饭 $55表嫂就稳阵派，唔喜欢搞咩新嘢，所以，炒饭佢话就最啱佢。咪睇个炒饭得一粒大帆立贝晌面，饭内可有不少海鲜料，包括珍珠带子、鱿鱼、蚬肉，饭粒炒得爽身。最搞笑喺表嫂话估唔到碟饭有咁多，碟底好深，几乎食唔晒。
泰式红咖喱羊架配饭 $59小弟既钟意食咖喱，又好羊架，真哋无理由唔拣依道菜式。份红咖喱羊架又喺另一抵食之作，1份有成3支羊架，啲红咖喱辛辣惹味，捞饭一流，羊架肉质软腍带点羊膻香，好似炸脾咁揸住食，爽呀！仲有，伴少少薯仔，喺连皮新薯，唔喺啲平价嘢。
泰式红咖喱羊架配饭
$59
4 浏览
0 赞好
0 留言
4安士安格斯牛肉及特浓车打芝士汉堡配铁板薯条 $59个菜名就够晒长，简单嚟讲就喺牛肉汉堡，不过，卖点喺用上安格斯牛肉做，表哥话拿起好坠手，感觉唔只4安士，入口坚有肉味，亦好松化，唔似麦记啲咁死实，但佢就嫌肉汁未够爆，而且，包内只夹有蕃茄及芝士，味道欠层次，可以再做得更好。啲薯条炸得够脆口，又唔油腻，整体份量十足。
西班牙辣汁配烟鸭胸薄饼（免费）虽然喺送嘅，但无话迤做，8吋大细嘅薄批，批面放满料，彩椒粒、黑橄榄、大大片烟鸭胸，又铺满芝士，加上辣汁，食落集咸、香、辣于一身，味道层次丰富，真喺好食㖞。
棉花糖朱古力 +$12表姪女对饮嘢果然够专一，又喺棉花糖朱古力，味道喺点？真哋无问佢，不过，最紧要喺佢钟意。
蓝蝶豆花茶 +$26表嫂喺保守人，唔太多试新嘢，不过，既然嚟到，我就推介佢试吓花茶，拣咗蓝碟豆，佢一见啲花茶蓝晒色好惊讶，我话放心，喺天然色，而且，只花茶有抗氧化，好啱佢饮，况且加咗蜜糖，微微花香带点甜。由于成壶上，斟到3、4杯，我同表哥都斟番杯试吓。
榛子咖啡 +$10小弟拣榛子咖啡，虽然佢餐牌无讲明喺鲜奶咖啡（拿铁），但睇样就觉得佢哋喺想咁做，不过，冲泡手势就麻麻，只喺尽量将奶泡沟落啲浓缩咖啡度，无乜一般饮鲜奶咖啡口感可言，还好嘅喺榛子味几突出，啲咖啡都几香。
焦糖咖啡 +$10表哥杯焦糖咖啡跟我杯差唔多，仲冲到成杯意大利泡沫咖啡咁。若非想试试佢啲特色口味咖啡，我觉得无谓加钱饮普通嘅就够喇。
虽然食物水准又唔喺咩超高，但4个人夹埋晒先喺$312，食到饱一饱，整体味道不俗，环境又几舒服，店员服务有礼又勤快，认真抵食到晕！
张贴
