影片
更多
2018-05-29
760 浏览
听讲呢间任食鸡煲边炉好味又抵食，喺朋友介绍下就book左呢日黎试下～咁岩撞正openrice订座有折，5点入座7点前离座每位都系$107免加一，抵到烂呀舖头坐落喺油麻地既内街，都花左少少时间先揾到。但舖面好大、楼高两层，而且位置好阔络，唔会坐得唔舒服之余都唔会焗到成身边炉味。饮品同雪糕柜系自助式。另外都有熟食供应、日日唔同款，呢日就有炆牛腩、胡椒猪肚、咖哩鱼蛋、酸斋、炸春卷等等。牛筋占既比例较多，得两成系牛腩，但食得出系有花时间炆定，几入味，但有一两旧肉质有少少韧。主角鸡煲有唔同口味选择，我地拣左浓汁椰子鸡煲，加左椰浆汤底好浓郁，打到后期加左四五次汤都无稀到两位用既鸡煲得半只，鸡件位置唔太靓，唔厚肉，但肉质几滑唔鞋，同椰浆味好夹。店员仲话有得一锅两食，一边铁板一边边炉，见几得意当然要试试。但个铁枝真心玩下就算，最后烧左几块牛都系放弃左，因为个器皿比较大，两边一齐整会受热不均匀，而且铁板烧同边炉一齐食都唔系太夹食完鸡煲出面仲有不同火锅配料可以自己夹，菜类同丸类选择唔少，肉类鸡牛猪羊海鲜都有。推介：菠菜鱼肉春卷（口感特别）、油墨菜、菠菜（新鲜+同汤底好夹挂汁力强）、羊肉（好鲜味够膻）、肥牛
咁岩撞正openrice订座有折，5点入座7点前离座每位都系$107免加一，抵到烂呀
舖头坐落喺油麻地既内街，都花左少少时间先揾到。
但舖面好大、楼高两层，而且位置好阔络，唔会坐得唔舒服之余都唔会焗到成身边炉味。
饮品同雪糕柜系自助式。
另外都有熟食供应、日日唔同款，
呢日就有炆牛腩、胡椒猪肚、咖哩鱼蛋、酸斋、炸春卷等等。
牛筋占既比例较多，得两成系牛腩，但食得出系有花时间炆定，几入味，但有一两旧肉质有少少韧。
主角鸡煲有唔同口味选择，我地拣左浓汁椰子鸡煲，加左椰浆汤底好浓郁，打到后期加左四五次汤都无稀到
两位用既鸡煲得半只，鸡件位置唔太靓，唔厚肉，但肉质几滑唔鞋，同椰浆味好夹。
店员仲话有得一锅两食，一边铁板一边边炉，见几得意当然要试试。但个铁枝真心玩下就算，最后烧左几块牛都系放弃左，因为个器皿比较大，两边一齐整会受热不均匀，而且铁板烧同边炉一齐食都唔系太夹
食完鸡煲出面仲有不同火锅配料可以自己夹，菜类同丸类选择唔少，肉类鸡牛猪羊海鲜都有。
推介：菠菜鱼肉春卷（口感特别）、油墨菜、菠菜（新鲜+同汤底好夹挂汁力强）、羊肉（好鲜味够膻）、肥牛（新鲜+肥瘦均匀）不推介：咖哩薯仔丸（无味+口感怪）、芝士丸（芝味唔重有啲假）、花胶（口感一般唔滑）
一百蚊松啲，以价钱黎讲抵到烂，性价比极高，绝对会翻兜
好想试埋个酸菜鱼同芝士鸡煲
张贴
