潮龍清湯腩 (已結業)

收工入黎大西北，梗系要揾啲地道又抵食嘅野试下啦。小食：豚肉炸饺子（无激素无抗生素添加）皮脆得黎唔太油，入面啲猪肉都几多，有少少香甜嘅肉汁，几粒做餐前小食，份量刚刚好。仲要价钱先$10一份，真系超抵食！双饼粉面：清汤牛坑腩加冬菇木耳猪肉云吞河粉牛坑腩半肥瘦，连少少筋，够入味又够淋，连埋筋好perfect！仲有个云吞，皮薄得黎，冬菇同木耳非常爽口，加埋猪肉香甜多汁，好有口感同诚意。另外配料仲有萝卜，全部都好足料，食到超饱！雪梨菊花茶呢个老板娘推介嘅饮品，系自家制嘅凉茶，用雪梨同菊花加蜜糖，每日新鲜制造。煲出黎嘅茶好清甜，而且饮得出好重嘅菊花味，够晒清热。值得一提老板娘服务态度好好，同个个客人都有讲有笑，好有人情味。