影片
更多
2018-05-27
280 浏览
上个星期去过科学园食野，我同女朋友都觉得环境唔错，人少少好舒服，所以今个星期再黎揾吓嘢食，最后决定拣呢间酒楼。酒楼面积唔算好大，好在我哋早去，大概七点钟嘅时候已经全部满座。见到餐牌有个超抵食两人海鲜九大簋餐，冇睇错呀系两个人都有九道菜！我哋就决定试一试！先来一只红烧乳鸽，块皮炸得非常香脆，而且亦都好多肉，新鲜炸起仲系热辣辣，好正。侍应差唔多见你食完，就会准备柠檬热茶同埋湿纸巾俾你洗手，好贴心。再黎一碟清炒白菜。之后嘅海鲜就陆续送来。首先有椒盐海水虾，每人两只共四只。炸过既虾可以连壳食，而且椒盐份量啱啱好唔会太咸。然后有豉椒炒花甲，足足有一大碟，蚬肉无沙又鲜甜，而且个汁唔会太辣。跟住有清蒸鲜鲍鱼，厚肉但完全唔un。再有劲蒜蒸贵妃蚌，真系有好多好多蒜头，其实可以拨走晒啲蒜头，因为贵妃蚌本身已经好鲜甜。仲有清蒸海上鲜，今次系一条中size嘅仓鱼，有鱼味但唔腥，而且只有一条大骨好容易去，加埋熟油豉油正！之后就多重头戏上汤龙虾伊面，有一大只龙虾开边，好容易就可以成嚿龙虾肉起出嚟，方便过平时斩开一嚿嚿。伊面味道亦都煮得啱啱好。最后仲有一窝粟米红萝卜海鲜汤，鱼汤里面加上虾，蚬，粟米同红萝卜，十分鲜甜
酒楼面积唔算好大，好在我哋早去，大概七点钟嘅时候已经全部满座。
见到餐牌有个超抵食两人海鲜九大簋餐，冇睇错呀系两个人都有九道菜！我哋就决定试一试！
先来一只红烧乳鸽，块皮炸得非常香脆，而且亦都好多肉，新鲜炸起仲系热辣辣，好正。侍应差唔多见你食完，就会准备柠檬热茶同埋湿纸巾俾你洗手，好贴心。
再黎一碟清炒白菜。
之后嘅海鲜就陆续送来。首先有椒盐海水虾，每人两只共四只。炸过既虾可以连壳食，而且椒盐份量啱啱好唔会太咸。
然后有豉椒炒花甲，足足有一大碟，蚬肉无沙又鲜甜，而且个汁唔会太辣。
跟住有清蒸鲜鲍鱼，厚肉但完全唔un。
再有劲蒜蒸贵妃蚌，真系有好多好多蒜头，其实可以拨走晒啲蒜头，因为贵妃蚌本身已经好鲜甜。
仲有清蒸海上鲜，今次系一条中size嘅仓鱼，有鱼味但唔腥，而且只有一条大骨好容易去，加埋熟油豉油正！
之后就多重头戏上汤龙虾伊面，有一大只龙虾开边，好容易就可以成嚿龙虾肉起出嚟，方便过平时斩开一嚿嚿。伊面味道亦都煮得啱啱好。
最后仲有一窝粟米红萝卜海鲜汤，鱼汤里面加上虾，蚬，粟米同红萝卜，十分鲜甜。记得趁热饮，因为冻左会有少少腥。
两个人有九道菜，仲包括咁多新鲜海鲜，味道好之余，免加一免茶介，仲要送饮品，
只系$438，真系谂唔到有咩理由弹，劲抵食！而且值得一赞系服务真心好好，侍应时不时就会主动去帮你换碟，收碟，仲会问下你对食物既意见，赞呀！
张贴
