影片
更多
2012-04-12
57 浏览
位于the one 18楼的雅日式料理店唔多出名,但都推介一下,因为确实系抵!!!呢度供应寿司刺身铁板烧等等,午市做紧买一送一promotion,点咩都得,只系收取最贵一份既价钱,呢度每个餐落差唔会太大,所以系真心抵!!!加埋个咁靓又舒服又面向海景既环境,仲想点吖~我同Mr,J今次系食最爱既铁板烧,一个系鹅肝牛肉($280),一个系海鲜($270),加埋一都系total $300,即系每人$150,极极极抵!!首先上刺身,每人四片,仲有杂菜沙律,不过不失~卖飞佛之鹅肝~鹅肝上下夹住多士同苹果片,又脆又爽之余,又可以中和鹅肝油腻,鹅肝煎得香口,只有少少筋,加埋d醋汁好醒胃~大虾同埋三文鱼~大虾质感有d实,唔够爽脆,好彩有酱汁搭够味道~三文鱼好似熟左d,麻麻地~带子一开二,肉质中间仍有少少溏心状态,唔错,d汁有少少酒香味,如果唔系为顾仪态,我会饮左佢~牛肉可选薄烧或厚烧,我地选左薄烧~牛肉味唔够,调味都唔够,要靠里面包住既葱,炸蒜粒提味,仲要点埋d芝麻酱~不过肉质系嫩滑的(我要medium)炒饭有d诡异,要详细讲下~之前睇过食评,话呢度d炒饭系一早炒定的,然后再翻热~我坐系铁板枱观察,的确
我同Mr,J今次系食最爱既铁板烧,一个系鹅肝牛肉($280),一个系海鲜($270),加埋一都系total $300,即系每人$150,极极极抵!!首先上刺身,每人四片,仲有杂菜沙律,不过不失~卖飞佛之鹅肝~鹅肝上下夹住多士同苹果片,又脆又爽之余,又可以中和鹅肝油腻,鹅肝煎得香口,只有少少筋,加埋d醋汁好醒胃~
大虾同埋三文鱼~大虾质感有d实,唔够爽脆,好彩有酱汁搭够味道~三文鱼好似熟左d,麻麻地~
带子一开二,肉质中间仍有少少溏心状态,唔错,d汁有少少酒香味,如果唔系为顾仪态,我会饮左佢~
牛肉可选薄烧或厚烧,我地选左薄烧~牛肉味唔够,调味都唔够,要靠里面包住既葱,炸蒜粒提味,仲要点埋d芝麻酱~不过肉质系嫩滑的(我要medium)
炒饭有d诡异,要详细讲下~之前睇过食评,话呢度d炒饭系一早炒定的,然后再翻热~我坐系铁板枱观察,的确师傅会为坐系散枱的客人将预先整好的炒饭加热,至于我地嘛,系新鲜整的,所以断估系坐系铁板枱睇实先会有咁既待遇~炒饭我觉得一般,味道同配料都ok,但败在质感,唔够干爽,有点湿润,偶尔有d饭会黐埋一小旧,火候差d~
临近结尾既味噌汤同香菜~香菜冇咩特别唔讲喇,但个味噌汤真系要赞~我饮到最后都仲保持热辣辣之余,个汤唔过咸但好好味,一定要饮~
结尾之甜品,无论卖相同味道都非常不俗~栗子蓉下面系朱古力蛋糕,正~
题外话/补充资料：
虽然呢度定价唔贵,但服务一点不差,由经理到厨师到侍应都态度良好,值得一赞!!
(以上食记乃用户个人意见 , 并不代表OpenRice之观点。)
张贴
