新麻蒲 BBQ (形點) (已結業)

今日一早系形点睇戏，睇完早场突然想吃韩烧，朋友就建议去新麻蒲，位置就系形点1行到尽头落扶手电梯到地下，好易揾。首先要赞下前菜，有海带、大豆芽、杂菜沙律同泡菜，全部都好大碟，唔使吃两啖又要叫人添，生菜好新鲜，而且清洗得好干净。我们叫咗两个套餐再加一份猪肩肉，开始仲怕唔够吃，点知差点吃唔完，份量好足，两个人绝对够饱。部队锅套餐($82)包一碗白饭🍚同饮品味道比我想象中好，本来怕泡菜太酸同汤底太辣，点知连汤都饮埋，唔太辣好好味，入面有午餐肉、肠仔同几块牛肉，个面煮都刚刚好，唔会太淋有口感，套餐包埋饭同饮品，抵食。午市猪肉套餐，($92)包一碗白饭🍚同饮品两份肉分别系护心肉同猪颈肉，护心肉腌过嘅，少少甜味唔会太咸，夹生菜吃啱啱好，猪颈肉切得比较薄，烧完外脆内软，加埋韩式豆瓣酱，正！黑毛猪肩肉($127）个样有点似猪扒，好大块，肉质嫩滑，好够肉味，唔点酱都好好味，吃得出系高质豚肉。原来平日都有午市套餐，选择多，都几抵吃。赞赞这间的服务，侍应都有礼貌，按完个钟好快就有人过来。