蝦立方休閒娛樂釣蝦場

营业中

休息中

今次写写一个又适合一家大细，又适合情侣，又适合一个人消磨时间嘅好地点。有个朋友去过好多钓虾场，最后尾推介呢一个俾我。原因系，不只系闹市之中一个好地点，最紧要系好容易就已经有虾上钓！对于我哋，又想有收获，又想过瘾嘅。。。完全系perfect! 最紧要系舒舒服服，有冷气叹住来玩。又有歌听。我个friend话，佢两个人去，一个钟头可以钓到九只虾。估唔到，我哋第一次去，一个钟头，两个人钓到一共13只！太过瘾！如果未试过钓虾嘅，唔紧要。。钓虾场嘅女服务员非常之好，非常之有耐心咁样教你点样钓虾。。上钓之后，又好好咁样讲解折虾。 钓完之后，价钱已经包埋煮！今次拣咗盐烧，非常好味！真系新鲜煮！食落虾肉弹牙，又有虾味！正！ 同时要赞一赞，负责厨房𠮶位哥哥仔，烧虾非常之有爱心，佢会先将虾苏、虾脚剪咗。卖相非常得！如果呢度可以有埋其他嘢食，例如出前一丁，餐蛋面之类，多啲嘢饮选择，咁就Perfect喇！去之前，记得打电话book钓虾干。