麪譜車仔麵 (已結業)

呢間小店佈置充滿中國特色，但細看就發現係用了搞笑嘅元素😂車仔麵當中有好多唔同嘅餸菜都俾佢改為得意嘅名稱，例如「失戀酸齋」、「瑞士留學雞翼」⋯⋯不禁吸引到我入去幫襯🤭入到去裝飾更加令我嚇咗一跳，極具欣賞價值❤️都係以車仔麵傳統的剔剔紙嘅方法落單，內容搞鬼😂選擇好多👍🏻先來嘅都係嘢飲，而豆漿嘅豆味濃郁，令我有驚喜，大大枝可以慢慢嘆😊出外食飯通常都會點一碟油菜，以為細細碟，點知用一個大麵碗去裝出嚟，比想像中份量大好多😂今次揀咗腐乳汁，味道亦非常出色！炸一口韭菜餃～一口一件嘅份量確係非常討好,但相信只適用於男仔，女仔都係要分兩口😂餡料非常爆滿同時亦多汁，配上獨特調製嘅醬汁簡直係絕配👍🏻主角車仔麵已經到，河粉非常滑溜，配上微辣嘅湯，頂呱呱！呢個湯底一定要讚！並唔係喺坊間容易食到嘅味道。每一款餸都睇得出廚師嘅誠意，而且非常新鮮，咁多餸當中，我最欣賞嘅係雞翼，雞翼嘅皮彈牙之餘，雞肉亦非常入味，而且雞肉嘅口感明顯食得出烹調時間剛好，唔會浸得太耐。