火鍋煮場 (已結業)

今个夏天帮衬咗呢间火锅店几次，佢d野系好食，不过更重要系佢个$100有100支啤酒嘅Promotion，即系$1/支，系支装唔系罐装，仲要系德国啤酒，真系抵过落Bar，而且唔洗直场撩咗鼻先俾你入，今晚五个人饮咗十三支，计你$20一支都要$260啦，仲未加一㖞，如果有平过呢一度嘅地方麻烦话我知。今晚个汤底要咗萝卜牛腩汤，一滚起揭开个盖非常香。牛肉就拣咗安格斯，脂肪分布唔错，牛肉味香，质素几好。佢呢度有黑柏叶，叫咗一份，都几新鲜，我自己钟意食黑柏叶多过白色嘅牛柏叶，始终觉得冇加工过系好食啲。海鲜方面就叫咗圣子同埋鳝片，两样都好新鲜，特别系个圣子，渌10秒左右就食得。最后仲叫咗个珊瑚蚌，都新鲜嘅同埋好爽口，好食。