肥仔記麵食

营业中

休息中

肥仔记真系好鬼多街坊帮衬，食客流量好似车轮转咁，快上快落，佢哋出名嘅系牛腩，牛孖根，炆得香浓入味，牛腩、孖根够晒软腍，所以好多时都听到D人落单食咩面都话加腩汁！佢哋另一出名嘅地方，就系抵食，仲要做到绝对系平靓正，唔欺场，单拼面食先至系$11（双拼收$16），粉面份量同出面嘅面档差唔多，但𩠌料就一D都俾得唔会手软，唔会因为卖得平就将货就价，依度少D个度又俾少D！好似我哋今次叫嘅孖根米，D孖根放满晒碗面之上，而碗鲮鱼球河同样鲮鱼球一样堆到满，足有5粒咁多，仲唔系话会丁咁细粒㖞，份量够晒有睇头啦！更难得收你个$11碗，质素无赖皮，孖根系镇店招牌，上面讲过唔再提，而鲮鱼球做得唔腥，微微葱香提起鲮鱼鲜味，抵食得无话可说！汽水、豆浆$5支，生菜$6碟，不过佢哋独沽一味卖生菜！仲有，佢哋好似揾够就收手咁，未够8:00pm已收紧档，想哩食消夜依度就无偈倾喇！