農民泰菜 (已結業)

星期六去沙田行街，四周围都系人，想揾食极有难度。行逛之下中，见到新食肆，见人唔多，价钱唔贵，即管入去一试。食店的食物种类不少，见其中推介 -- 大大幅相的荷包蛋饭及金边粉，于是决定一试。选了猪颈肉荷包蛋饭、肥牛及猪颈肉金边粉，两个餐都非常抵食，饭餐的饭量好多，男人都够饱，$47仲要包冰茶，不错﹗饭旁有特色的汁，酸味味，好醒胃，而饭底原来有卤水汁，都好好𩠌饭。至于金边粉用自家特制汤底，唔太咸，金边粉比较幼，好索味﹗两个𩠌只要$28，喺沙田市中心，十分超值﹗人多食饭，所以仲叫左炸虾饼、沙爹鸡串烧两款小食。一样系价钱唔贵，脆脆地、暖暖地，加上传统泰式酱汁，冇得输。而沙爹串烧，味道不会过度浓烈，食完唔会好口渴。最后，仲叫左个青咖喱鸡配蒜蓉包，青咖喱味算浓，奶味重，有青咖喱香，配少少脆的蒜蓉包，绝对适合细食的我。整体来讲，价钱实惠，味道不错，在沙田食野又多一个选择。