湯•米 (已結業)

约咗朋友过嚟将军澳探另一个朋友，见仲有D时间，喺附近揾紧餐厅坐吓食吓野先。朋友话想好耐无打边炉，于是我地就揾到呢间汤。米。佢系一个商场上既一楼，可能有少少难揾。因为我地两个人唔算太肚饿，谂住叫一个锅再加Ｄ小食同追叫下配料。今次就叫咗泰式海鲜锅，佢个汤底好浓椰香味，海鲜黎讲佢就有虾同青口，仲有D杂菜、蟹柳、粟米咁。之后我地就追加咗个海鲜拼盘都肥牛一碟。之后再叫咗台湾肠，呢个好有惊喜，煎得好香，外皮好脆。而且酱汁区域可以选择蒜泥，台湾肠加上蒜泥非常香！值得一提既系，佢既饮品可以拣走冰走甜，呢点几好！