影片
更多
2022-11-19
58 浏览
估唔到一间装修成间cafe咁嘅餐厅 竟然主打一人一锅和牛shabu shabu？！🤯就系呢间位于铜锣湾嘅🍲本延锅物🍲纯白外墙配以木系 有种日系cafe感觉 唔系见到招牌 都唔知入面系食shabu🤪-午市只提供关东风寿喜烧套餐👺肉主食可以拣和牛或者豚肉 和牛更采用熊本县和牛之王——「和王」😯最平$200都唔使 就可以食到靓和牛😆晚市就可以自选昆布/寿喜烧汤底 -🐄日本和尚头A4套餐 120g $168肉原定应该系美国特选牛板腱 不过而家免费升级为日本A4和尚头肉🤩即系牛后腿内侧嘅肉 会比较瘦 油脂相对较少 肉嘅数量有5-6块 不过胜在够大块 渌几秒已经食得😗放入口啖啖肉 食落牛味都ok 有嚼劲🥸-🐃日本黑毛和牛A4套餐 120g $238呢款系牛肩脊肉 好明显见到雪花纹络好靓😍油脂分布比和尚头更细密 肉切得较薄较细 所以几乎入口即融😳牛味重得嚟充满油脂香🤤肉质嫩滑 蘸埋餐厅提供嘅胡麻酱 更加惹味 令人满满幸福感🥰-👺关东风寿喜烧汤底味道咸甜咸甜😙有酱油香 放咗几片京葱😂-🥗综合时蔬蔬菜种类都唔少 分别有娃娃菜🥬、粟米🌽、红萝卜🥕、京葱 另外仲附有芋丝、蟹柳、豆皮、金菇、冬菇、本菇😯值得一
-
午市只提供关东风寿喜烧套餐👺肉主食可以拣和牛或者豚肉 和牛更采用熊本县和牛之王——「和王」😯最平$200都唔使 就可以食到靓和牛😆晚市就可以自选昆布/寿喜烧汤底
-
🐄日本和尚头A4套餐 120g $168
肉原定应该系美国特选牛板腱 不过而家免费升级为日本A4和尚头肉🤩即系牛后腿内侧嘅肉 会比较瘦 油脂相对较少 肉嘅数量有5-6块 不过胜在够大块 渌几秒已经食得😗放入口啖啖肉 食落牛味都ok 有嚼劲🥸
-
🐃日本黑毛和牛A4套餐 120g $238
呢款系牛肩脊肉 好明显见到雪花纹络好靓😍油脂分布比和尚头更细密 肉切得较薄较细 所以几乎入口即融😳牛味重得嚟充满油脂香🤤肉质嫩滑 蘸埋餐厅提供嘅胡麻酱 更加惹味 令人满满幸福感🥰
-
👺关东风寿喜烧汤底
味道咸甜咸甜😙有酱油香 放咗几片京葱😂
-
🥗综合时蔬
蔬菜种类都唔少 分别有娃娃菜🥬、粟米🌽、红萝卜🥕、京葱 另外仲附有芋丝、蟹柳、豆皮、金菇、冬菇、本菇😯值得一提粟米好甜 啲菜食落都好新鲜 其他配料索晒寿喜烧汤底 味道更加浓郁🤓尤其本菇同豆皮超级入味 一放入口即刻双眼发光🤩
-
🥚生鸡蛋
系橙红色嘅蛋黄😝应该系兰王蛋 一只蛋都可以有多种食法 朋友将蛋黄拌入饭中🍚同埋蘸肉 我就捞乌冬+蘸肉🥩令食物多咗份蛋香味～
-
🍤蟹籽虾滑
竟然有虾滑！瞬间觉得自己打紧边炉🤣渌完虾丸好有惊喜 口感非常弹牙😌加上面头嘅蟹籽 好似食紧烧卖咁啊🤪
-
🍚日本米饭
套餐已经包埋饭 真系好抵食🥺饭用咗珍珠米 食落偏硬身 口感烟烟韧韧 系我哋钟意嘅硬度👍🏻推介大家将寿喜烧汤底倒落饭一齐食💁🏻♀️感觉好似食紧茶渍饭咁！
-
🍜乌冬 +$15
唔想食饭亦可以加$15转乌冬😉一食就知唔系cheap cheap野 乌冬口感同样烟韧 索晒寿喜烧汤底 咸甜咸甜好好食🤤不过我渌得太耐 味道有啲过咸 大家记得渌一阵就好捞返晒啲乌冬上嚟🥲
-
🍵抹茶蕨饼
唔系店员提醒 我哋都唔记得仲有个甜品仔🤫每人两粒抹茶蕨饼 蕨饼口感较实净 有啲似硬身嘅啫喱😮抹茶味主要来自表面嘅抹茶粉🍵蕨饼甜甜地 抹茶味再香浓啲会更好～
-
总括寿喜烧性价比高 座位亦坐得舒适😙绝对值得推介俾身边嘅朋友食～不过台边容易俾啲汤弹到黐笠笠 小心唔好掂到头髪或者衫！😂
张贴
