牛繁一人燒肉 (朗晴坊)

营业中

休息中

百几蚊食到烧肉，适合人少少但又想解下去食烧肉的引🤔平日七点左右去到，入面已经坐左八成人，每枱限坐90分钟，所以流转都快，在我地食紧期间，虽然间中有人等下位，但都好快有位。餐厅环境光猛阔落，每个位坐落都几舒服，而且冷气风好够，唔会食到好大阵味。可以选的餐都好多种类，我地中意食牛又怕饿，就叫左一个A2一个A10。A2有牛胸花、肩胛片仲有簿切牛舌，我地叫大份量250g，就$155。另外A10，有牛有猪有鸡，我地叫大份$350，价钱先$165，好抵食。调味方面我地拣左秘制烧汁，系浓浓的酱汁味，如果中意食淡味d，可以选盐或者胡椒味。总体来讲，以呢个价钱来讲，系几抵食。