Seafood ghost (已結業)

今日三口子趁放咗学就去石门Sea Food Ghost食嘢。佢哋既门口有一个比一般人高既Ironman做生招牌，所以都好吸引小朋友做食客。大家都好耐无食过一人一锅，所以叫吓佢嘅午餐锅物类嘅嚟食。佢嘅午餐一D都唔贵，五六十蚊起左右一个set lunch。主菜外仲有一碗昆布汤同饮品。我哋三个人点咗两个北海道昆布汤牛肉锅同一个鸡肉锅。餐厅系用QR Code去点餐十分之方便，大约五分钟后，所有食物都已经可以出到餐。佢嘅肉类份量系适中，配上昆布汤底系非常之鲜甜，加埋本身汤锅有既蔬菜份量同跟饭或乌冬已足以饱肚。顺带一提乌冬系喺雪柜拎出嚟所以再放落火锅度系好烟韧弹牙，唔会有糊状。而昆布汤底唔够可以无限添加。所以我哋都觉得今次食得好饱足。