喺度做乜

营业中

休息中

呢间餐厅除咗间餐厅名好有玩味之外，嘢食都非常之抵食，每一日都会推出唔同嘅一蚊美食，逢星期一就系推出一蚊鲍鱼，所以我今日可以净系用一蚊就可以食到两只大鲍鱼。佢食物方面都好好，每一个套餐都会跟餐汤餐包，同埋一杯是日饮品，而佢嘅每日饮品有冻有热，而且每日都唔一样。今次首先叫咗三文鱼大啡菇蟹肉惹菌汁同埋一个肉眼黑醋意粉。大啡菇配搭蟹肉，令到个菇好有蟹盖嘅感觉，底下仲会有南瓜蓉作为配搭。而佢嘅黑醋意粉非常之开胃食，令人食完一啖又一啖，至于个肉眼都好香。