尚海人家 (英皇道) (已結業)

呢日去北角上堂，放工后四周围行吓同买啲嘢食返屋企。近炮台山有间外卖小店散发住煮食嘅香气♨️，之前行过都唔觉「尚海人家」嘅出现，估计应该系新开。女店员热情招待，以外卖店嚟讲好难得。佢推介一定要试招牌生煎包，而且嗌套餐比较抵食👍。我买咗两个餐，埋单都只系$100，份量仲要几多，感觉相当唔错☺️。餐碗设计将饭面同𩠌料分开，咁就能更有效保持食物质素。皇牌生煎包(原价$28/4只)，🥟生煎包唔算好大个，不过就煎得几靓仔，顶部脆薄唔㶶，并配合埋芝麻同葱，香味扑鼻。不过讲到最抵赞嘅地方系佢咬落爆晒汁😍，肉味浓郁，好食。排骨葱油拌面(原价$40)，排骨即系炸猪扒🐷，猪扒足一整块，望落好似有啲干身，但食落非也，而肉质仲几嫩添。🍜葱油拌面都OK，面条分明，质感烟韧，葱油亦无过重草青味。酱卤牛肉菜饭(原价$40)，呢个饭就属正常发挥啦，但略嫌𩠌量比较少，不过都惹味嘅🐮。菜饭系传统上海菜式，米饭够软熟，如果油香重啲会更正🍚。题外话，装生煎包嘅外卖纸盒几靓，印有老上海风情🇨🇳。总括嚟讲，呢间上海菜外卖店几好🥢，味道不俗，价钱大众化，而且上海嘢又唔系四周围都有得食，下次经过我都会再帮衬啊😉。