慶記 (已結業)

Lunch去咗利奧坊既「興記」食上海野我叫咗上海酥炸排骨菜飯，個菜飯好大碗，唔係平時食開嘅白菜而係雪菜同欖菜，味道會比平時嘅鹹少少，個人比較喜歡食白菜菜飯多d 。個酥炸排骨係冇骨嘅，而且都幾香脆同熱辣辣。Lunch時間去食會送一杯野飲，可以揀罐裝汽水，巢檸，或者加兩蚊飲支裝豆漿。男友就揀咗個青瓜絲麻醬撈麵，麻醬唔係好油膩個隻，配埋青瓜絲，同埋個撈麵係凍嘅，成個感覺好fresh. 唔使加一，埋單兩個人$88. 服務就真係麻麻哋啦，因為樓面係得兩個侍應做嘢，所以執枱都等咗好耐。