影片
更多
2020-02-18
80 浏览
提起乐天王朝，相信最出名嘅都系呢间，就喺铜锣湾时代广场隔离，位于利舞台楼上嘅分店，我谂好多人都有去过。佢出名嘅地方唔单只系嘢食嘅高质素，仲有佢店内嘅装修，都系令人赞不绝口嘅，因为佢铺头嘅中央有一个小型嘅人造水池，气氛一流，每次嚟到都觉得好不可思议🤣🤣之前已经试过呢度最出名嘅小笼包，所以今次我哋主打会系佢其他嘅上海小菜！虽然我地得两个人食，但系真系好贪心咁嗌左好多一直好想试嘅小菜🙊全部都系清淡不油不腻！ 前菜嗌咗必食嘅上海生煎包，包馅肉汁超多，外表亦煎得香口，必食！仲叫咗碗鲜虾云吞猪骨汤，云吞都系师傅自己包，不过皮就厚左少少，汤亦都清甜。扬州糟溜滑鱼片，鱼片份量好多，每一旧都好弹牙，唔会一夹就散，芡汁都打得几好，好有住家菜既感觉！宫保腰果鸡丁，竟然炒得好似大排档一样咁有镬气香口，鸡丁带微辣，好惹味开胃，叫咗碗白饭送，正呀！蒜蓉清炒菠菜，虽然菜式普通，但系胜在才够新鲜，好清甜，食完咁多肉，清下肠胃中和返☺其实仲有两个主食，一个就系雪菜咸肉炒年糕，雪菜一向系调味嘅至爱，配上年糕清淡得来带点金华火腿既香口。另外就系开洋葱油拌拉面，呢个都系出名嘅，简单嘅葱油拌面，竟然可以令到我哋食唔停，真系唔简
之前已经试过呢度最出名嘅小笼包，所以今次我哋主打会系佢其他嘅上海小菜！
虽然我地得两个人食，但系真系好贪心咁嗌左好多一直好想试嘅小菜🙊全部都系清淡不油不腻！
前菜嗌咗必食嘅上海生煎包，包馅肉汁超多，外表亦煎得香口，必食！
仲叫咗碗鲜虾云吞猪骨汤，云吞都系师傅自己包，不过皮就厚左少少，汤亦都清甜。
扬州糟溜滑鱼片，鱼片份量好多，每一旧都好弹牙，唔会一夹就散，芡汁都打得几好，好有住家菜既感觉！
宫保腰果鸡丁，竟然炒得好似大排档一样咁有镬气香口，鸡丁带微辣，好惹味开胃，叫咗碗白饭送，正呀！
蒜蓉清炒菠菜，虽然菜式普通，但系胜在才够新鲜，好清甜，食完咁多肉，清下肠胃中和返☺
其实仲有两个主食，一个就系雪菜咸肉炒年糕，雪菜一向系调味嘅至爱，配上年糕清淡得来带点金华火腿既香口。
另外就系开洋葱油拌拉面，呢个都系出名嘅，简单嘅葱油拌面，竟然可以令到我哋食唔停，真系唔简单！
最后我哋仲叫咗个甜品，就系宫廷路打滚，系一个冻食嘅，佢嘅口感有啲似糕点，亦都似麻薯，软林林，内面有红豆馅。第一次食感觉惊喜，好似日式甜品呢～
张贴
