百味川 (已結業)

3点3见肚饿，就落葵广行一圈睇吓有咩外卖好食，行过见到大大块Banner写住外卖9折，下午茶餐只系$38，即刻停低睇睇$38蚊米线仲可以拣两个𩠌，我叫咗酸辣米线加卤水鸡翼同韭菜饺，冻柠茶外卖，点知妈妈呢个时候打电话嚟点餐，所以就帮佢叫咗个番茄滑蛋猪扒饭，冻奶茶，埋单$100都唔使，劲抵！返到屋企打开外卖，估唔到佢将米线同汤分开，劲贴心！而最令我惊喜嘅系杯冻柠茶竟然有4片柠檬！酸辣米线唔算好辣，够晒醒胃，卤水鸡翼炆到好淋，够晒入味，韭菜饺亦大大粒，口感十足！个饭份量十足，大大块猪扒，妈妈表示非常满意，下次要再帮衬！