嘩鬼拉麵 和風料理 (已結業)

下昼五点钟左右经过哗鬼拉面，原来仲做紧下午茶时段，menu几吸引，食碗拉面当晚餐都唔错。配搭自由度高，可自选汤底，面种。牛肉汉堡番茄汤拉面、炸猪扒番茄汤手打乌冬比较出色，因为个番茄汤好入味，饮落酸酸甜甜好开胃；牛肉汉堡好结实，调味非常平均；炸猪扒外层松脆，里面肉质仍然保持湿润。炸墨鱼饼猪骨汤拉面、蒲烧馒鱼咖哩汤拉面相对就逊色不少，味道系唔错，不过如果多几件墨鱼饼同馒鱼会更好。另外，我地仲叫咗两款小食。炸虾天妇罗面衣够薄身，咬落去咔咔声，虾肉弹牙；软壳蟹飞鱼籽卷都ok，味道比较淡。