新記冰室 (已結業)

今日嚟到出名食芝士猪颈肉捞丁嘅新记，记得之前喺尖沙咀食过，觉得佢哋嘅芝士酱同埋猪颈肉都好好味！不过可惜已经结业，而家喺旺角开返，所以黎试一下。❤️芝士汁猪颈肉煎蛋捞公仔面 HKD 56 - 我会觉得比起旧尖沙咀店失色咗少少，不过唔好芝士既朋友第一次试，都觉得芝士汁几好味！猪颈肉够爽口，少少肥咁。芝士汁捞成个公仔面超级邪恶🙈 如果惊太’流’，可以同朋友叫多几样嘢分享，都唔错嫁！❤️黑椒牛肉炒乌冬 HKD 42 (下午茶）- 我觉得几有惊喜，首先好够热，有镬气，唔会十分油腻。下午茶价钱唔贵，而且材料好足！牛肉够嫩香口，而且有好多件！❤️奶茶红豆冰 (跟餐加HKD 12) - 茶味唔够浓，不过红豆香甜好味！❤️冻咸柠七喜 (跟餐加HKD 9) - 正常发挥，消暑之选。