馬六

营业中

休息中

马六系土瓜湾原来有分店。我真系而家先知，仲要原来每日行返工嘅时候都有经过。马六嘅下午茶好抵食，趁婆婆出咗嚟土瓜湾，带佢去一齐试吓。叫左新加坡喇沙掺掺，老街鱼丸鱼条汤金边粉，沙巴烧鸡葱油拌面。饮品有两杯加钱叫咗特饮，鲜柚子沙冰同鲜椰青。新加坡喇沙掺掺，呢个系好好好浓的喇沙汤底，颜色红红地又夹杂些奶白椰浆，好香的椰味。而第一次食「掺掺」，原来系米粉加油面，都几特别。老街鱼丸鱼条汤金边粉，呢个系点俾唔可以食辣既家姐。钟意食浓味嘅我就觉得淡味咗少少，不过俾小朋友食就最啱，家姐食咗差唔多三份二碗添。沙巴烧鸡葱油拌面，好香，大大只烧鸡肶，个皮烧到脆一脆，入面唔算Juicy，但都唔会太干,不过不失啦~柚子冰，加$8真系抵。最上面仲有唔少柚子果肉，食完咁多美食，饮番杯沙冰真系超完美享受。椰青好新鲜，婆婆形容椰青水好鲜甜，家姐仲不断抢食椰青肉。