馬六

营业中

休息中

海南鸡喇沙🍜依个系下午茶餐嘅轻盈份量，虽然唔知正常份量系点样，但系依个轻盈版作为下午茶都绰绰有余，有豆卜、鸡蛋、芽菜等配料，喇沙汤偏重椰香，见到汤面唔太多辣油，容易入口，海南鸡都算滑🥢咖吔奶禄🍞咖吔多士系食马来西亚菜经常嗌嘅小食，睇餐牌见到仲有依个咖吔奶禄，决定一试，多士面头洒咗美禄粉，上面𠮶层系朱古力酱，下面𠮶层就系牛油同咖吔，当中𠮶时块厚牛油最为抢镜，牛油冻冻地但系多士嘅温度又足以令佢开始融化🧈桂圆红枣茶系跟餐嘅饮品，通常会当系特饮要加钱，难得依度系唔需要加钱，当堂觉得好抵，虽然系咁但系桂圆红枣都有畀足，系养生之选～