路斯餐廳 (已結業)

下午茶时间嚟到，除咗tea menu，扒餐都可以减10蚊呀！因为仲未食晏，又想平平地锯下扒，就拣咗铁板谷饲肉眼牛扒 $98呢个餐有汤有饮品，罗宋汤就正常水准，唔会稀到无料，铁板上枱既时候仲系热辣辣，jerjer声！黑椒汁会另外分开上比你自己倒，主角牛扒都几大块，有少少🤏厚度，落单要求5成都做到另外叫咗个下午茶餐，芝士安格斯牛汉堡 $45呢个下午茶餐抵食呀！超大个汉堡，个卖相及得上人地啲汉堡包专门店，块牛好厚，仲有块溶咗嘅芝士，唯一要挑剔嘅系块肉有少少筋咬唔到。超粗薯条刚炸好，真系好食到不得了！