影片
更多
2016-10-21
144 浏览
奥海城真系一个好地方，又多野食又多野行，今日陪妈妈过黎行下街，夜晚再拣间中菜食。乐天客栈系正2期个䢂口，好当眼，装修系新派海派既style，光猛又干净，里面仲有落地玻璃位，景观开扬，坐得又舒服。而且有好多唔同款式地区既野食可以选择，我地叫左6个𩠌，净低打包埋比屋企果2个懒人食。招牌扣肉包 $40/2片有d似大陆成日食到既肉夹馍，不过就用左扣肉，扣肉如果要以一般标准黎讲系偏瘦，对我黎讲就非常好，而且肥既部分佢焖到好似啫喱，入口即溶，咸咸甜甜热辣辣好惹味。泰式炭烧猪颈肉 $86特别在加左胡椒去烧，小小㶶加上黑胡椒既香辣，烧得又够干身，都几大碟，猪颈肉外脆卜卜，肉汁保留到ok juicy，唯独有时会咬到烧㶶左既黑胡椒影响左，食既时候要睇清楚拨开晒先食。油条 $78听闲系本身系菜单除左名，但d熟客次次黎都问仲有无呢道菜先加返上去既，其实系墨鱼滑酿入去脆卜卜好似油炸鬼既皮，外层都几薄仲好松脆，而墨鱼滑好弹牙，配左个特制既花生墨鱼甜酱，感觉都几似海鲜酱，花生仲脆果阵更加多份层次，唔怪之得d熟客要佢重现江湖啦。聚宝海鲜豆腐(小) $108火锅小炒咁上碟，保持个𩠌热辣辣，豆腐炸浆好薄，又蛋黄香酥味，豆
乐天客栈系正2期个䢂口，好当眼，装修系新派海派既style，光猛又干净，里面仲有落地玻璃位，景观开扬，坐得又舒服。而且有好多唔同款式地区既野食可以选择，我地叫左6个𩠌，净低打包埋比屋企果2个懒人食。
招牌扣肉包 $40/2片
有d似大陆成日食到既肉夹馍，不过就用左扣肉，扣肉如果要以一般标准黎讲系偏瘦，对我黎讲就非常好，而且肥既部分佢焖到好似啫喱，入口即溶，咸咸甜甜热辣辣好惹味。泰式炭烧猪颈肉 $86
特别在加左胡椒去烧，小小㶶加上黑胡椒既香辣，烧得又够干身，都几大碟，猪颈肉外脆卜卜，肉汁保留到ok juicy，唯独有时会咬到烧㶶左既黑胡椒影响左，食既时候要睇清楚拨开晒先食。油条 $78
听闲系本身系菜单除左名，但d熟客次次黎都问仲有无呢道菜先加返上去既，其实系墨鱼滑酿入去脆卜卜好似油炸鬼既皮，外层都几薄仲好松脆，而墨鱼滑好弹牙，配左个特制既花生墨鱼甜酱，感觉都几似海鲜酱，花生仲脆果阵更加多份层次，唔怪之得d熟客要佢重现江湖啦。聚宝海鲜豆腐(小) $108
火锅小炒咁上碟，保持个𩠌热辣辣，豆腐炸浆好薄，又蛋黄香酥味，豆腐超级滑，滑到好似百褔咁但又硬身易夹d，好有豆香，配上肉松增加口感同香酥味，个芡材料有海参同虾，海参焖得好入味，同d虾一样弹牙。但滚左就要熄火如果唔系好易㶶底。金银蛋浸苋菜(小) $82
大路菜色，质素ok，最满意系d蒜头炸过先拎去煮，好谂，食落一d都唔辣，仲甜甜地。鱼香茄子煲(小) $78
辣辣地既鱼香茄子最岩送饭，如果茄子煮得再谂d就好啦，因为我本身钟意食谂到溶既茄子，呢度既就比较爽口，但味道浓烈，咸甜适中，好好送饭。570蚊4个人食(打包左2盒返去比家中2懒)，抵食夹大件，有质素既中菜👍🏻
张贴
