影片
更多
2010-09-22
87 浏览
上次，去 IFC Godiva 饮完杯香蕉朱古力特饮，个女 Sales 俾咗份中秋版 Catalog 我睇，起初，我唔打算买中秋系列朱古力及朱古力月饼；纯粹好奇攞Catalog 返屋企睇吓！ 今次嘅Cataglue 设计跟往时复活节一样，可以打开成一张大海报。我想买中秋节朱古力礼盒，有两款口味：Milk Strawberry & Dark with Caramelized nuts.中秋节朱古力礼盒 ：$185 / 16片 ( 平均 $11.56 / 片 )入到尖沙咀 Godiva，我问 Sales 有无中秋节朱古力礼盒？佢话卖哂礼盒！只有中秋节散装朱古力 ：$150 / 20 片。OK 㖞！平咗又多咗！每片唔使 $10，平均 $7.5 / 片；好抵食呀！自家人食不在乎包装，只在乎食物嘅味道与质素，以及分享时嘅快乐！所以，我买咗中秋节散装朱古力，有两款口味：Milk Strawberry & Dark with Caramelized nutsMilk Strawberry ( 牛奶士多啤梨朱古力 ) 净重：5.4克成份：可可粉 30%, 固体牛奶 24%；含有奶及大豆。撕开包装纸，
我想买中秋节朱古力礼盒，有两款口味：Milk Strawberry & Dark with Caramelized nuts.
中秋节朱古力礼盒 ：$185 / 16片 ( 平均 $11.56 / 片 )
入到尖沙咀 Godiva，我问 Sales 有无中秋节朱古力礼盒？佢话卖哂礼盒！只有中秋节散装朱古力 ：$150 / 20 片。OK 㖞！平咗又多咗！每片唔使 $10，平均 $7.5 / 片；好抵食呀！
自家人食不在乎包装，只在乎食物嘅味道与质素，以及分享时嘅快乐！
所以，我买咗中秋节散装朱古力，有两款口味：Milk Strawberry & Dark with Caramelized nuts
Milk Strawberry ( 牛奶士多啤梨朱古力 )
净重：5.4克
成份：可可粉 30%, 固体牛奶 24%；含有奶及大豆。
撕开包装纸，已经闻到香甜嘅朱古力味，一咬开，见到士多啤梨籽！真系令我意想不到！味道甜中带士多啤梨独有嘅酸味！配搭好特别；味道出奇地夹！唔好睇少呢块薄薄嘅朱古力片，略有口感！士多啤梨迷必试！
Dark with Caramelized nuts ( 焦糖果仁纯朱古力 )
净重：5.4克
成份：可可粉 50%；含有果仁、奶及大豆。
唔知以为系黑朱古力配碎果仁粒，原来系焦糖果仁碎。虽然可可粉占 50%，但系被好甜嘅脆脆焦糖粒抢去风头，喧宾夺主！见到有果仁碎，反而食唔出！成块朱古力食落好甜！食完即刻饮咗1杯水。 个人不太喜欢呢款朱古力，可能系不太讨好，所以同好味嘅朱古力 pack 埋一齐！
我之前食过 72% 浓度朱古力片，对比之下，朱古力味更浓郁，略带苦味！亦没有这么甜，糖分较少。黑朱古力系朱古力中比较健康一款，可一尝朱古力滋味之余，又可补充一点 Energy ；不失为轻盈方便嘅下午茶。如果怕肥嘅女仔会较啱食！
另外，朱古力月饼系成吋厚嘅实心朱古力，听起嚟都怕怕；就算可以切开都系咁话，的确好 heavy ！相信收到嘅人只有一时开心，见到个实心朱古力月饼未必开心！
服务：购买前后， Sales 两个样！
当日，9月11日(星期六)，我著得 casual，唔同平日著得斯文。走入去 Godiva，Sales 见到有人走入去，都会叫欢迎光临；我走去揾中秋节朱古力礼盒，两个Sales动笃企喺度，好似对脚黏住地下，亦好被动，完全无意识走嚟问我有咩需要？系我走去问个Sales有无中秋节朱古力礼盒？话只有中秋节散装朱古力喺收银位度。好啦！我决定买散装朱古力！
当我俾完钱之际，个Sales叫我慢慢摆好$$及银包！然后，一位店长/店经理专登由收银位兜圈出嚟，亲手俾袋朱古力我！唔系就咁递俾我！我只系买 $150已经咁样，唔知买盒朱古力月饼会系点？
不过，上次我去 IFC Godiva ，Sales及收银都好有礼貌，由我走入去直至离开。但系我当日只系帮衬 $39 买杯饮品同埋一样著得 casual！
张贴
