同人燒 (已結業)

山林道食肆林立，今日行经同人烧，俾呢度$1一只海鲜嘅优惠吸引住，而且见环境几大，所以同朋友一同去烧下野食。一蚊一只嘅有鲍鱼同埋扇贝，我地当然唔会错过呢个品尝机会。两者虽然价格好平，但系质素一流，新鲜而弹牙，卖一蚊一只系非常抵食!而其他串烧肉食亦都甚有水准，香葱鸡肉及烧牛柳我两款最爱嘅肉食，呢度都品尝到。牛柳香嫩，鸡肉软滑, 点上特制酱汁，甚具滋味。而鸡翼亦都系我嘅至爱，将鸡翼放上炉上烧，唔驶好耐，亦可幻化成吸引嘅金黄香脆表面，内里肉汁丰富，多食几只亦唔过份。金沙骨亦都好啱我爱肉之人，肉质带有爽劲、烧至微烤嘅感觉品尝就最正!海鲜方面就挑战左青口、鳗鱼。青口份量唔细，无需任何调味亦食得出鲜味；而鳗鱼厚肉、质感嫩滑，绝对系诚意之作。