串燒堂 (已結業)

平时好少去西环，趁今日比平时早放工，所以过𠮶边探亲戚，探完之后同朋友一齐食串烧😋店舖开咗唔系好耐，见佢既价钱合理，所以我地决定入去食。我地叫到成枱野，自己比较钟意呢几样：玉子烧超级好味，食落散发出浓郁蛋香！流心芝士年糕咬落烟烟韧韧，而且中间既芝士份量唔少。鸡软骨粒粒都炸到金黄色，食落香脆可口，点埋个酱食就冇咁热气。花甲粉味道微辣，食落几开胃。欣赏佢d花甲好干净，全部都唔会有沙。法式鹅肝多士块多士烤过，两面有少少㶶边，而鹅肝都颇肥美。