烤吧31 (已結業)

呢间串烧店喺佐敦同深水埗都有分店，今次就去左喺佐敦嘅分店，喺巷仔入面，好近地铁站，主打串烧，仲有烤鱼同鸡煲提供。佢除左有室内仲有室外用餐区，最特别系餐厅以红砖墙作为装修风格，而且座位阔落，坐得舒适，我地今次以串烧为主，下次有机会再试烤鱼。食物种类繁多，特别推介以下几款：🔸 烤扇贝 $56大大只，铺上满满嘅蒜蓉，香口又鲜甜🤗🔸31秘制烤牛骨筒 $78好少见好特别，入边好多骨髓，好香浓🔸 烧白鳝 $38超肥美又弹牙，烤得好香脆，充满鱼油香味！🔸 31秘制香烤鱼（黄花鱼） $88烤鱼最考师傅功夫，鱼开左边，烤至焦脆并洒上芝麻，配埋个秘制酱汁，好味😋🔸 烤新鲜天梯 $22系猪上颚嘅软骨，食落爽脆，正！🔸 芥末鱼皮 $38味道偏酸，加上少许芥末，作为前菜非常开胃🔸 烧田鸡 $38田鸡粥或煲仔饭就食得多，烧田鸡第一次食，好香而且肉质仍然嫩滑🤤🔸 烧韭菜 $13必食！洒上孜然粉同辣椒粉，食落又香又惹味🔸 茄子 🍆 $35劲抵食！大大条，加上蒜蓉辣椒，一丝丝咁食，健康又鲜甜！总的来说，串烧够惹味，有辣有唔辣，仲会逐款上 ，而且价钱相宜，叫返杯啤酒，同三五知己吹水食野，都系一个唔错嘅选择。#foodie