燒烤堂

营业中

休息中

荃湾新开人气分店，主打多款串烧风味，为配合客人不同口味同喜好，呢度集合咗港、川、日、泰、韩、西、马、新疆菜式，有辣有唔辣，老少咸宜，十分贴心。依家仲做紧买一送一日本生啤优惠，同朋友仔你一杯我一杯就啱喇～ 肉类选择众多，猪牛鸡海鲜样样要少少，印象深刻嘅包括盐烧原块鸡皮，炸至薄身又酥脆、豚肉卷，油脂感满满，包住唔同配料，推牛油果同荔枝，食落几解腻、香蒜咸蛋黄烧墨鱼滑，口感弹牙，调味适中、盟烧红祈鱼，鱼香味足。前菜、得意作同谷物无论系卖相同味道都比想像中出色，桂花蜜糖本地番茄又大又甜、焦糖鳗鱼芝士玉子烧层次丰富、明太子烧厚扬豆腐带点口感、香草蒜蓉包同甜奶牛油包亦系饱肚加邪恶之选，前者咸香，后者甜又软身，性价比高。野菜要咗牛油蒜蓉焗杂菇同孜然烧蒜蓉茄子，份量多，调味足，可以叫。甜点有蜜糖烧菠萝，超甜超多汁，每人起码食到两串、糖不甩烧芝麻汤丸Q弹烟韧、柑桔咸蛋黄卷外脆内馅饱满，三款都值得一试。