燒皇燒烤雞煲專門店

营业中

休息中

已经好耐无食过鸡煲，听中学同学推荐上水旧墟有间又平又好食嘅鸡煲同串烧，即刻约出嚟试吓佢。因为疫情关系，好耐无返过大陆食椰子鸡煲啦。香港好多地方都只得麻辣鸡煲拣，要赞吓呢度有椰子汤底，清甜又香椰子味，煲内仲有一片片嘅椰肉可以食，汤底都唔马虎、十分足料！鸡嘅份量亦都十足，有成只鸡，唔惊唔够食呀。火锅配料方面好多款式拣，推荐款式有猪红，仲有平时好少会见嘅红薯粉都有好烟韧，平时钟意食酸辣粉嘅一定要试吓啦！呢度除咗鸡煲火锅之外，仲点少得试埋串烧。串烧方面好多款拣，由海鲜到肉类都有。我地今次就试咗几款。特别推荐猪颈肉，大大份，烧到好香，食落唔会韧。另外仲有串烧鸡软骨、牛舌同牛柳粒。串烧真心推荐，全部都好香孜然味。