金牌牛什

营业中

休息中

探完朋友仲有啲饿，临搭车返屋企之前见到间有得买牛杂串烧嘅。朋友话佢由细食到大，难得嚟到就试试佢。叫下叫下叫咗劲多串：鸡全翼x2、鸡皮、五花腩、五餐肉、牛肉、鱼皮饺、鸡髀菇、烟肉金菇。落单之后佢哋即刻整，大约等十分钟左右，热辣辣即刻食咗串，好正。其他拎返屋企，搭车时劲香孜然味。全部都烧得好好味，啲肉都唔会好干。我最中意食烧鸡翼，大大只多汁唔鞋口。朋友介绍嘅鸡皮都唔错，平时我都唔中意食鸡皮，原来烧香咗咁好食。呢到仲有牛杂，不过拎返屋企有啲烦，下次有机会再返嚟试下。