影片
更多
2024-09-08
261 浏览
2024年8月28日 星期三暑假差不多完结，又系时候准备工作，今晚难得同老婆两个人放工之后去到旺角食饭，系网上面选择左呢间串烧餐厅，去到发现人气同客人都好多，幸好仍然有一张枱唔洗等位餐牌上面有好多食物可以选择，连海鲜都有好多款，价钱都唔算太贵，最平十几蚊就有一串串烧，所以我哋每样都要咗少少等咗一阵食物就开始陆续送上，首先有蒜蓉北海道扇贝，咁啱做紧优惠$98有两只，扇贝睇落都几大，咬落去完全唔硬，烧得啱啱好，上面仲加上蒜蓉同三文鱼籽，口感更加丰富跟住有芝士鸡肉墨西哥薄饼，个薄饼里面充满馅料，除咗有鸡肉芝士之外，仲有黄椒红椒，而且芝士仲可以拉丝添，味道有少少辣，外皮脆脆地，食一块都已经几饱之后有各款唔同嘅串烧，最左手边有厚烧玉子同烧日本甜心番薯，两款咬落去都甜甜地，烧玉子充满蛋香，仲可以食到一层层嘅蛋皮呢一个系烟肉芦笋卷，用烟肉包住芦笋一齐烧，食落去比起斋食烟肉冇咁油腻，芦笋咬落好脆身，又多水份再嚟有阴功猪，其实系猪肉上面沾上左冬阴功酱再一齐烧，冇谂过效果都唔错，味道酸酸辣辣，几惹味呢个系日本汁烧鱿鱼筒，份量都唔少，师傅已经将鱿鱼筒剪开一嚿嚿，方便进食，每一嚿都食到上面嘅酱汁，鱿鱼筒有咬口
暑假差不多完结，又系时候准备工作，今晚难得同老婆两个人放工之后去到旺角食饭，系网上面选择左呢间串烧餐厅，去到发现人气同客人都好多，幸好仍然有一张枱唔洗等位
餐牌上面有好多食物可以选择，连海鲜都有好多款，价钱都唔算太贵，最平十几蚊就有一串串烧，所以我哋每样都要咗少少
等咗一阵食物就开始陆续送上，首先有蒜蓉北海道扇贝，咁啱做紧优惠$98有两只，扇贝睇落都几大，咬落去完全唔硬，烧得啱啱好，上面仲加上蒜蓉同三文鱼籽，口感更加丰富
跟住有芝士鸡肉墨西哥薄饼，个薄饼里面充满馅料，除咗有鸡肉芝士之外，仲有黄椒红椒，而且芝士仲可以拉丝添，味道有少少辣，外皮脆脆地，食一块都已经几饱
之后有各款唔同嘅串烧，最左手边有厚烧玉子同烧日本甜心番薯，两款咬落去都甜甜地，烧玉子充满蛋香，仲可以食到一层层嘅蛋皮
呢一个系烟肉芦笋卷，用烟肉包住芦笋一齐烧，食落去比起斋食烟肉冇咁油腻，芦笋咬落好脆身，又多水份
再嚟有阴功猪，其实系猪肉上面沾上左冬阴功酱再一齐烧，冇谂过效果都唔错，味道酸酸辣辣，几惹味
呢个系日本汁烧鱿鱼筒，份量都唔少，师傅已经将鱿鱼筒剪开一嚿嚿，方便进食，每一嚿都食到上面嘅酱汁，鱿鱼筒有咬口但唔韧，仲完全冇软骨
再嚟有串烧豆腐同烧墨鱼丸，豆腐嘅外皮烧得好脆，里面仍然保持滑嫩，充满豆香，至于墨鱼丸烧完之后仍然保持弹牙，上面嘅调味粉同酱汁加得啱啱好
最后仲有烧翠玉瓜同烧粟米，翠玉瓜好厚身，而且份量都几多，烧完之后咬落去仲有好多水份，而烧粟米就有牛油嘅香味，同样地爽甜多汁
最后每人食咗三百几蚊，饱住个肚咁走！
张贴
