醉美島 (已結業)

今日又再一次嚟到元朗揾好嘢食，每一次嚟元朗，每一次都会有惊喜😎，今次嚟到位于元朗凤攸南街嘅醉美岛。呢间餐厅主打食串烧同埋海鲜锅，海鲜锅都有唔少人点，睇落好吸引🤩，不过元朗扫街已经食咗唔少嘢，所以都系食串烧啦😆。。价钱非常之亲民，而且味道非常之好，调味好出色，CP值劲高。而且佢有唔少都可以选择加配金菇或者粉丝🙈。。我哋叫咗好多唔同嘅串烧，同埋烤小菜。佢啲菜名搞鬼得来又真系几特别。「停唔口鸡泡鱼干」真系好食到停唔到口，烤得干身得黎好有咬口，食到停唔到口😝。另外，烧生蚝都好正，劲大只，好肥美。蒜蓉烧得好香，我哋两个人叫左半打，但系都觉得唔够喉想再食😂。仲有一啲锡盒类，我哋叫咗鱿鱼须、花甲、娃娃菜，都几吾错👍🏻。