影片
更多
2023-03-19
2656 浏览
细佬嘅生日饭，本应2月搅，因为老婆连续几个星期都有好多堂上，所以就延到三月初先食。就返细佬妹都喺拣返石硖尾啲酒楼，费事佢哋咁频扑，而过去几年都喺去饭堂「多彩」，今次就改改「稻香」，因为贪佢有「一蚊鸡」推广，哈哈！ 呢间晌全屋邨内嘅「稻香」，装修方面都喺好传统嘅港式酒楼，但就胜在地方大，楼底高，够光猛，而且啲枱櫈排得唔算迫，所以，坐落感觉算几舒服。我哋被安排坐咗入房，比出面大厅，相对静局少少。晌度有好多嘅嘢都喺自助，就好似枱边呢部机，其实喺自动加水、自动煲水嘅水煲，侧边仲有个位用嚟洗完碗筷后倒水用。所以，由煲水、斟茶、洗杯倒水都喺自己一脚踢 ，其实我觉得几好架，唔使成日嗌侍应，有时人手少，佢哋都未必好快帮到你。 此外，就算喺酒楼，点菜落单一样可以自己嚟。枱面嘅餐牌座就有个二维码，扫一扫自己落单非常方便，而且落咗乜都一清二楚，又减少同侍应嘅言语错误，食完嘢亦唔需要叫侍应埋单，就咁直接出门口嘅柜枱俾钱就搞掂。 菜单方便，一家人嚟都喺吓食晚饭叫啲小炒，呢度有好多优惠孖宝，不过大部分唔喺搭虾，就龙虾、鲍鱼，呢啲我细佬妹都唔多啱食，所以，我哋都喺嗌番一啲家常小炒同埋睇睇有啲咩优惠咁，之前都讲过「一
呢间晌全屋邨内嘅「稻香」，装修方面都喺好传统嘅港式酒楼，但就胜在地方大，楼底高，够光猛，而且啲枱櫈排得唔算迫，所以，坐落感觉算几舒服。我哋被安排坐咗入房，比出面大厅，相对静局少少。
晌度有好多嘅嘢都喺自助，就好似枱边呢部机，其实喺自动加水、自动煲水嘅水煲，侧边仲有个位用嚟洗完碗筷后倒水用。所以，由煲水、斟茶、洗杯倒水都喺自己一脚踢 ，其实我觉得几好架，唔使成日嗌侍应，有时人手少，佢哋都未必好快帮到你。
此外，就算喺酒楼，点菜落单一样可以自己嚟。枱面嘅餐牌座就有个二维码，扫一扫自己落单非常方便，而且落咗乜都一清二楚，又减少同侍应嘅言语错误，食完嘢亦唔需要叫侍应埋单，就咁直接出门口嘅柜枱俾钱就搞掂。
菜单方便，一家人嚟都喺吓食晚饭叫啲小炒，呢度有好多优惠孖宝，不过大部分唔喺搭虾，就龙虾、鲍鱼，呢啲我细佬妹都唔多啱食，所以，我哋都喺嗌番一啲家常小炒同埋睇睇有啲咩优惠咁，之前都讲过「一蚊鸡」就唔少得架啦，基本上目测所见，绝对喺枱枱都有叫。
一蚊鸡 $1份「一蚊鸡」绝对无将货就价，一大只炸子鸡放晌一个仿鸡蓝内，无花无假原只俾你亲自剪成小件，拿上手只鸡真喺热焫焫热到有少少熨手，所以，贪快就剪得大件啲。入口坚喺皮脆肉嫩，够晒咸香，非常好食，就算唔喺卖一蚊，正常价都食得过啰。
一蚊鸡
$1
37 浏览
0 赞好
0 留言
脆皮菠萝咕噜肉 $98呢度菜差唔多次次同细佬妹食饭都叫，因为喺细佬嘅至爱菜式，𩠌饭就一流。讲真啲古噜肉裁得大大件，都算唔错，酸酸甜甜，芡汁唔会太多，咬落外皮仲有啲脆口，肉质几松化吓，可以讲属中上嘅水准。
西洋菜鲮鱼球豆腐煲 $88呢个煲仔菜可以当𩠌食，又可以当汤饮，一举两得。唔好睇佢觉得好少咁，其实都喺正常例牌份量，不过个锅好巨型，所以变相搞到啲嘢好似好细份。里面鲮鱼球多，豆腐多，西洋菜亦多，而且啲鲮鱼球真喺好有鲮鱼味，又弹牙又爽口，西洋菜好鲜嫩，唔会话好老，当然个汤就唔会话好浓，清清淡淡都OK。
西洋菜鲮鱼球豆腐煲
$88
29 浏览
0 赞好
0 留言
照顾到老婆需要，都打底加多碟椒丝腐乳通菜，都算大碟，交足货，通菜爽口，腐乳落得最有啲咸香，椒丝吊出微微辣，喺一道颇惹味嘅蔬菜菜式。
白饭 $15不得不讲吓呢度啲白饭，我哋落单之后等咗一段几长时间都未见有，问问阿姐，佢话啲白饭要蒸架，吓！我心谂唔喺煲定一大煲，就咁装出嚟咩？原来真喺逐砵咁蒸，食落啲饭好软熟，又有饭香。
「稻香」一向俾人嘅印像都喺低档次少少嘅酒楼，以前晌美孚有家「稻舫」都叫好久唔久帮衬吓，而今次都事隔一长段日子喇，再帮衬嘅感觉真喺唔错，反正一家人家常便饭而已，细佬妹一向对食无要求，简简单单佢哋觉得仲舒服，上啲高级酒楼仲觉得唔自在。
张贴
