影片
更多
2021-05-16
48 浏览
又到揾食时间，刚巧经过呢间餐厅，见到门口橱窗好有外国feel，好写意。餐牌d嘢都ok，所以就同老公入左去。小店装修以木为主，里面就系“木船”嘅环境。木头上满布唔同嘅色彩，好colorful，墙身仲有一幅手脍得意嘅卡通画。另外一d角落同挂画，就系佢哋嘅店名 “木船”为主题。睇到餐牌价钱就觉得好抵食，呢度以定食为主，每个餐都会跟有一个汤，三小食，一个主食同埋饮品。三小食分别系鸡卷，鸡蛋沙律同埋朱古力麻糬。鸡蛋沙律埋啲沙律酱，甜甜地。鸡卷入口仲系热嘅，咸咸地。朱古力麻薯，唔太甜，都几好。我叫左个招牌烧豚肉饭，上面全部铺满青木瓜丝，个样好吸引。青木瓜丝爽口，带微酸同微辣，仲夹住左一d芝麻，好香。烧豚肉厚薄适中，猪味浓，烧过嘅豚肉好香，咬落去肉汁渗出黎。食到中间先知道原来仲有只温泉蛋，真系有啲惊喜。唔好睇少呢度d饭，无论豚肉同饭都好多。呢个餐跟咗冬阴功汤，味道酸酸，食唔到辣嘅人就会觉得比较辣。老公就叫左个餐系汁烧安格斯牛肉饭配温泉蛋，安格斯牛肉切得薄薄，块牛肉吸晒啲汁，觉得有啲似牛肉干味道，入口每啖都充满烧汁。温泉蛋亦煮得刚刚好，蛋汁流晒落去饭𠮶度，好好食。呢个餐就跟咗肉丸扎肉鸡汤，个汤味道清淡
小店装修以木为主，里面就系“木船”嘅环境。木头上满布唔同嘅色彩，好colorful，墙身仲有一幅手脍得意嘅卡通画。另外一d角落同挂画，就系佢哋嘅店名 “木船”为主题。
睇到餐牌价钱就觉得好抵食，呢度以定食为主，每个餐都会跟有一个汤，三小食，一个主食同埋饮品。
三小食分别系鸡卷，鸡蛋沙律同埋朱古力麻糬。鸡蛋沙律埋啲沙律酱，甜甜地。鸡卷入口仲系热嘅，咸咸地。朱古力麻薯，唔太甜，都几好。
我叫左个招牌烧豚肉饭，上面全部铺满青木瓜丝，个样好吸引。青木瓜丝爽口，带微酸同微辣，仲夹住左一d芝麻，好香。烧豚肉厚薄适中，猪味浓，烧过嘅豚肉好香，咬落去肉汁渗出黎。食到中间先知道原来仲有只温泉蛋，真系有啲惊喜。唔好睇少呢度d饭，无论豚肉同饭都好多。呢个餐跟咗冬阴功汤，味道酸酸，食唔到辣嘅人就会觉得比较辣。
老公就叫左个餐系汁烧安格斯牛肉饭配温泉蛋，安格斯牛肉切得薄薄，块牛肉吸晒啲汁，觉得有啲似牛肉干味道，入口每啖都充满烧汁。温泉蛋亦煮得刚刚好，蛋汁流晒落去饭𠮶度，好好食。呢个餐就跟咗肉丸扎肉鸡汤，个汤味道清淡， 肉丸味浓，清清地几好。
呢d咁热嘅天气，紧系要叫冻饮。我哋叫左两杯冻泰式奶茶，呢个系泰国茶胆，奶味浓，入口比较滑，仲好冰冻，即时解hot。
张贴
