紅辣椒 (已結業)

系旺角行街行到晚餐时间谂来谂去都唔知食咩好，于是就入去花园街睇下有咩好食啦，经过「红辣椒」呢间泰式餐厅睇到餐牌价钱几合理于是就入去试下。我地一行四人叫左两个二人餐分别系138蚊同一个198蚊送跟奶茶柠茶呢啲普通餐饮。不过食泰式料理梗系唔会饮呢啲港式饮品啦，于是就加八蚊转其他嘢饮。芒果沙冰超浓芒果味而且满口芒果香甜，绝对唔似系糖精甜味推介唔记得叫咩椰汁饮品又系唔错，椰汁味贯穿口鼻泰式串烧，分别系两串鸡肉同两串猪肉，不过略嫌太干，呢个一般般炒海鲜有虾同青口，虾冇咩鲜味不过系爽口嘅，青口好大只而且有好多只，鲜甜味有嘅，不过不失。呢款炒海鲜系唔辣嘅，适合怕辣嘅朋友啦。两个套餐都有马拉盏炒菜，咁我地分别叫左炒通菜同炒西兰花，两个都唔错，炒得好入味，成碟好快就被清光泰式猪颈肉做得比串烧好啦，唔会太干，不过都系做得唔系好够入味。泰式春卷加虾饼炸物实冇得输啦，如果间餐厅连炸物都可以炸得难食就唔使再帮衬啦本身个套餐系跟黄咖哩嘅，但我好想食青咖哩于是就加十蚊转啦。超级好味，香料味加埋辣味系口腔入面不断徘徊简直系味蕾嘅享受捞埋白饭堪称系完美，齿颊留香可算这种。呢餐四个人埋单只系405蚊，超级抵啦！