景霖正宗四川麻辣米線 (金龍商業大廈) (已結業)

原本今日都唔知食咩好，谂住去谭仔食米线算，就喺途中见到哩间嘢门口大大张$32下午茶餐，一𩠌米线+两只鸡翼+一杯豆浆，劲抵！豆浆份量比我想像中少，系平时茶餐厅果啲茶水杯仔份量，不过咁嘅价钱，有嘢俾你饮算系咁！😂米线我叫咗鳕鱼豆腐清汤米线，啲鳕鱼豆腐系星星形，平时果啲系四方形嘅吗，成碗嘢味道正常。鸡翼我叫咗香草味，鸡翼系用烤，几香口，外皮有啲脆，鸡肉亦都唔会好干身，而且有啲啲胡椒味。总括而言，就系几抵食啰！