泰筏味泰國船河專門店 (已結業)

早排见到有人系社交网站讲大角咀新开左间抵食既泰国船粉,我同大爷知道之后紧系即刻冲去试下啦🤣位置都好阔落,可能因为好新所以比较少人,要先系收银比钱叫左野食先,收钱就会比个牌仔你,咁就可以坐定定等食喇坐坐下老板行埋黎同我地讲可以自己拎水同汤饮,个汤系菜干猪骨汤,绝对唔马虎,够晒火喉无乜味精味,希望佢地可以保持得住啦☺️我同大爷都叫左猪杂船河,每碗都系$15,虽然份量比较少,但食2碗都抵呀,味道同系泰国街边食既味道好似呀,汤底够味👍🏻👍🏻另外饮品优惠$8,我拣左泰式奶茶,大爷拣既系椰汁冰,但佢地系入定放入冰箱,够冻但无冰😂不过都系唔错既体验,下次黎食既时候可能已经大排长龙喇