1樓冰室 (已結業)

一直听同事讲太子有间铺食喇沙好平，但又好足料，听左几次，今次难得出开太子，就系午餐时间试一下。黎到已经就黎两点，所以人流唔多，因为大家都食得七七八八，一坐低唔理三七廿一同呀姐讲要个喇沙！仲有清汤同麻辣拣！米粉米线任君选择！另外再叫多左个午餐，连埋野饮就42蚊！喇沙： 唔好讲笑，非常足料！虽然只系27蚊，但绝不马虎！有炸虾有蛋有腩肉片仲有萝卜腐卜！喇沙汤底味够浓，咬一口萝卜又十分juicy!完全唔使担心要加杯野饮！班腩猪柳饭：大大碟，够哂饱！茄子整得好好味，猪柳又大大旧好入味，真系忍唔住食完一啖又一啖！不过食哂真系好饱！呢间1楼冰室真系唔错，相信以后再黎太子都会揾下佢！