一起燒火鍋烤肉店 (已結業)

一行6人黎到"一起烧"星期六晚7点半,都唔洗等位.可能因为商场人流唔多.一入座,店员就拎左3碟配菜同一碟生菜黎👍🏻见到有人食豆腐花,餐牌入面又无,所以出去睇睇!出面有豆腐花提供,但咁啱我出到去就无晒,问店员仲有无,佢话要睇师傅有无整.叫左好多野食,牛小排,牛扒,牛仔骨,羊架,猪肉,芝士年糕,茄子等等全部味道都唔错!食落无梳打粉味!太多铺头都用梳打粉或者松肉粉!但呢间食唔出!👍🏻食食下见到出面有条人龙, 原来又有豆腐花啦!即刻出去拎! 味道唔错, 食咁多肉同油腻野,食返碗豆腐花,真系好正!叫埋饮品, 埋单都系700几蚊6个人, 都食到好饱! 又抵食,又新鲜👍🏻